Facìteme fa' o viaggio 'int"a carrozza,

pe' farme cunnulià comm' e ccriature;

purtàteme        viche d" 'a marina:

I l'urdema vota je ll'aggia vedé.

 Faciteme sentì' ll"onna c"arriva

E perde 'a forza quanno 'ncontra 'a rena:

faciteme vasà 'a 'nu raggio "e sole,

ca scarfa ll'ossa senza cchiù calore;

 lassatelo arrivà "nu filo 'e viento

ca porta appriesso chill'addore 'e mare.

 Nun ve muvite, nun facite niente,

lassate 'sta natura suspirà;

ogne suspiro sujo pe' me è sollievo

ca me refresca e m'addulcisce 'a pena.

Quanno simmo arrivate 'a casa nova,

calàteme cu carma dint' 'o fuosso;

mettìteme cu ll'uocchie vierz"o mare,

ca a ll'atu munno forze nun 'o trovo;

lassàteme "na penna e 'quacche foglio

e 'o mazzo 'e carte pe' fra' fesso 'o tempo.

Facìteve guardà ll'urdema vota,

ca i' ve pozzo sempe arrecurdà;

voglio purtarme 'e ffacce 'e chi m'è caro:

chisà pe' quantu tiempo aggia aspettà.

...Po', quanno ve ne iate, 'na lucella

O 'na cannela lassàtela appicciata;

si po' me sceto 'a notte e voglio ascì...

pozzo nciampà            fuosso 'e 'n'ato.

Si sta durmenno, 'o putarria scetà, 'o pozzo disturba':

nun ll'aggio fatto pe—na vita sana...

 'o ffaccio muorto? ...e nunn'è serietà!

Nun me lassate sciure ca nun serve:

portano puzza e vanno 'e ffronne 'nterra;

dicìteme surtanto 'na preghiera,

penzàteme 'nu poco quann'è 'a sera,

ca c’o  penziero campo 'n'eternità.