`Na lenza 'e sole trase 'a dint'e l'aste

ognuno capnz7éa e guarda fora,

po' pure 'o prufessore dice: abbasta,

posa 'a bacchetta e quanno vede ll'ora

 

ce dà 'o permesso 'e i' dint"o ciardino.

Chi strilla e corre e già stà `ncopp 'o prato,

chi se lamenta cu"na vocia fina

ca 'o vótteno e se trova aret'a ll'ate,

 

chi `nciampa e cade, ma se sose e allucca

e piglia `nu pallone annascunnuto

e ascenno ket"e frasche mena 'o tuocco

pe'scegliere 'e cumpagne p"a partita.

 

Cuntente tuttu quante, ch'ammuina,

se sfogano cu"e strille fino a `ncielo,

`e nnocche ormai sciuglite e 'e mantesine

`nu poco spuorche ma 'e turreno e viole.

 

E tu, ca m'arricorde, 'o grembiulino

sempe stirato e po' tutto pulito

`nu poco cchiù appartato int"o ciardino

sfugliave a una a una 'e mmargherite.

 

Catiello, sì, me staje turnanno a mmente,

tenive, piccerillo già 'e penziere,

a vvote nun ce stive ca ire assente

te ne vulaste ambress'addò Signore.

 

Turnaveme chiammate d"o bidello

fernuta ll'ora d"a ricreazione,

ll'urdemo surzo d'acqua à funtanella

e tutt'in classe pe' fernì 'a lezione.

 

A uno a uno tutte v'arricorde:

`o biondo, 'o bruno, 'o luongo, e 'o chiattulillo,

`o spuorco, 'o signuorino e chi s"o scorda,

o primmo banco sempe 'o saputiello.

 

Sarrà ca stammatina è primmavera

e 'a lenza 'e sole è asciuta comm"a tanno,

guardanno 'sta ritratto pare ajere,

chi sa pecchè quaccosa annozza ncanna..